Pozicioni: Inxhinier Ndërtimi 
Departamenti: Teknik
Vendndodhja: Tiranë/Vlorë
Përmbledhja e Pozicionit: Inxhinieri i Ndërtimit është përgjegjës për planifikimin dhe organizimin e sheshit të ndërtimit në përputhje me projektin, preventivin, specifikimet teknike, grafikut të punimeve deri në fazën e dorëzimit të objektit. Kryen kontrolle ditore përpara fillimit të punës dhe pas mbarimit të saj. Mban raport ditor të punës ndërtimore përpara Menaxherit të Projektit. Zbaton rregulloren e shëndetit dhe sigurisë në punë së bashku me personat e trajnuar për ndihmën e parë. Koordinon me brigadierin/teknikun e ndërtimit për porositjen e materialeve dhe nevojave për realizimin e proçeseve ditore.
Detyrat dhe Përgjegjësitë:

• Të planifikojë, të organizojë dhe të zbatojë punimet në sheshin e ndërtimit në përputhje me projektin, kushtet teknike të zbatimit, specifikimeve teknike dhe planit të cilësisë, duke respektuar afatet kohore dhe brenda buxhetit të projekt-preventivëve;
• Të hartojë planet ditore, javore dhe mujore dhe t’ i paraqesë ato për diskutim, aprovim dhe miratim;
• Të kryejë kontrollet ditore përpara fillimit të punës dhe mbas mbarimit të saj duke mbajtur proçes verbalet përkatëse dhe miratimin e proçeseve në vazhdim;
• Të zbatojë grafikun e punimeve në përputhje me afatet e përcaktuara në kontratat e zbatimit të punimeve si dhe të plotësojë çdo ditë ditarin e punimeve dhe librin e kantierit;
• Të koordinojë me personelin përkatës porositjen e materialeve dhe nevojave për realizimin e proçeseve ditore në respektim të grafikut të punimeve;
• Të mbikqyrë dhe të mbajë evidenca për të gjitha matjet që kryhen për volumet dhe proçes verbalet përkatëse midis palëve;
• Të përgatisë situacionet mujore, librezat e masave, kostot e punimeve të realizuara nga grupet e punës
• Të përgatisë progres raportet dhe t’i paraqesë përpara Menaxherit të Projektit në mënyrë periodike në varësi të kërkesave
• Të koordinojë, mbikqyrë dhe të mbajë përgjegjësi që të gjitha materialet të cilat vijnë në objekt të jenë sipas porosisë së kryer, në përputhje me specifikimet teknike, standartet dhe të shoqëruara me çertifikatat origjinale të cilësisë;
• Të mbikqyrë dhe të mbajë përgjegjësi për saktësinë, cilësinë e përdorimit dhe magazinimit si dhe normativat e harxhimit, të materialeve që vendosen në vepër;
• Të realizojë rakordim javore ose mujore me Departamentin e Financës për kostot, inventaret, gjendjen në magazinë dhe shkarkimin e materialeve;
• Të mbikqyrë kontrollin mujor fizik të inventareve

Kualifikimet dhe Kërkesat:
Edukimi:      Diplomë në Inxhinieri Ndërtimi
Eksperienca:  Eksperiencë pune 3-5 vite.
Të tjera:

• Të ketë aftësi të mira, në ndjekjen dhe zbatimin e kontratave, në komunikim
• Të ketë njohuri të mira të gjuhës Angleze;
• Të ketë aftësi të përshtatet me teknologjinë dhe kërkesat e reja që dikton tregu i ndërtimeve;
• Të jetë i përditesuar me çmimet e tregut për proçeset ndryshme të punimeve për ndërtime civile dhe industriale;
• Të ketë aftësi për të sugjeruar zgjidhje dhe për të marrë vendime;
• Të njohë programet bazë në kompjuter, Microsoft Office, Microsoft Project, AutoCad 2D&3D, etj;
• Të jetë i pajisur me leje drejtimi

Të interesuarit të dërgojnë CV-në në adresën: info@dogu.al (duke specifikuar në subjekt të e-mail-it titullin e njoftimit) *Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për “Mbrojtjen e të Dhënave Personale”